Бұрынғы футболшы Роналдо үшінші рет үйленді (фото)
Опубликовано:
Футболдан Бразилия құрамасының бұрынғы шабуылдаушысы, әйгілі Роналдо үшінші рет үйленді. Ол жеті жыл бойы кездесіп жүрген сүйіктісі Селина Локспен отбасын құрды.
Mirror басылымының жазуынша, бұрынғы футболшы мен модель 25 қыркүйекте Ибицада орналасқан Эс-Кубелл деп аталатын кішкентай ауылдағы шіркеуде некесін қидырған.
Қонақтар арасында жұбайлардың туыстарынан бөлек, Роналдоның "Реалда" бірген ойнаған бұрынғы әріптесі Хулио Баптиста да болған.
Кейін үйлену тойы футболшының үйінде жалғасып, салтанатты шараға 400-ден аса адам келген.
"Бүгін біз некелескен күнімізді атап өту үшін отбасымыздың басын қосып жатырмыз. Алда бір апта бойы мереке болмақ", - деп жазды Локс өзінің Instagram парақшасында.
Айта кетейік, 47 жастағы Роналдоның бұрынғы некелерінен төрт баласы бар.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2038320-aigili-ronaldo-usinsi-ret-uilendi-foto/