"Бешікташ" құрамындағы қазақстандық футболшы Бахтиер Зайнутдинов әлемге әйгілі түрік аспазшысы Бурак Оздемирмен кездесіп, бірге ас әзірледі, деп жазады KAZ.NUR.KZ.
Жартылай қорғаушы танымал аспазшының Стамбул қаласындағы мейрамханасының құрметті қонағы болып қайтты.
Бахтиер Зайнутдинов Буракпен кездескен сәтінен Instagram парақшасында видео жариялап, жанкүйерлерін қуантты. Бейнежазбада футболшы мен аспазшының кәуәп дайындап жатқанын көруге болады.
Желі қолданушылары видео астына пікірлері мен жылы лебіздерін білдіріп жатыр.
Бахтиер Зайнутдинов осы жазда мәскеулік ЦСКА-дан "Бешікташ" сапына ауысты. Түркиялық клубпен төрт жылға келісімшартқа отырды.
Мақаланың түпнұсқасы: https://kaz.nur.kz/sport/football/2040155-baxtier-zainutdinov-aigili-aspazsy-burakpen-birge-tamaq-azirledi-video/
