Уэйн Руни "Бирмингем Ситидің" бас бапкері атанды

"Манчестер Юнайтед" және Англия футбол құрамасының бұрынғы шабуылшысы Уэйн Руни "Бирмингем Ситидің" бас бапкері атанды, деп хабарлайды KAZ.NUR.KZ клубтың ресми сайтына сілтеме жасап.

"Бирмингем Сити" клубы мен ағылшын футболының аңыз ойыншысы үш жарым жылдық келісімшартқа қол қойды. Рунидің жаңа клубы дәл қазір Чемпионшипте алтыншы орынға табан тіреген.

Уэйн Рунидің апталық жалақысы 33 500 долларды құрайды. Оған дейін команданы жаттықтырған бапкер Джон Юстас 10 400 доллар алған.

Рунидің көмекшілері болып Англия құрамасында өзімен бірге ойнаған Эшли Коул мен "Манчестер Юнайтедтегі" командаласы Джон О'Ши қызмет етеді.

Айта кету керек, Уэйн Руни өткен аптада америкалық "Ди Си Юнайтед" бапкері қызметінен кетті. Ол команданы өткен жылдың шілде айынан бері жаттықтырған болатын. Англиялық маман клубты MLS плей-офф кезеңіне өткізе алмады.

Мәтіннен қате тапсаңыз, бізге жазыңыз