Футзалдан Қазақстан ұлттық құрамасы Әзербайжанға қарсы матчта камбэк жасады

Футзалдан 2024 жылғы әлем чемпионатының іріктеу турнирі аясында Қазақстан құрамасы өз алаңында Әзербайжан командасын қабылдады. Тартысты матчта отандастарымыз жеңіске жетті, деп хабарлайды KAZ.NUR.KZ.

Ойынның төртінші минутында Әзербайжан сапында Амадеу матчтың алғашқы голын салды. Тағы төрт минуттан соң Эвертон есепті 0:2 жеткізді.

Алайда матчтың 12-минутында Қазақстан құрамасы камбэк жасауға кірісті. Қорғаушы Леоның жойқын соққысы қақпаға дәл тиіп, есеп қысқарды.

18-минутта отандасымыз Біржан Оразов оны теңестірсе, 22-минутта Дуглас Джуниор ұлттық құраманы алға шығарды.

Тартысты кездесу 3:2 есебімен Қазақстан құрамасының жеңісімен аяқталды.

Кака шәкірттері келесі ойынын 14 желтоқсан күні Нидерланды құрамасына қарсы өткізеді.

Мәтіннен қате тапсаңыз, бізге жазыңыз