Қазақстан ұлттық құрамасы EURO-2024 іріктеу турнирі аясында сырт алаңда Дания командасына қарсы ойнайды

Матч бүгін түнде Астана уақыты бойынша сағат 00:35-те Копенгагендегі "Паркен" стадионында өтеді. Қазақстан ұлттық құрамасы сырт алаңда Дания командасына қарсы ойнайды, деп хабарлайды туризм және спорт министрлігінің баспасөз қызметіне сілтеме жасаған KAZ.NUR.KZ.

Министрлік мәліметіне сүйенсек, "Н" тобындағы алты турдан кейін Қазақстан құрамасы - 12 ұпай, Дания құрамасы - 13 ұпай жинады. 26 наурыздағы алғашқы кездесулерінде қазақстандық команда Данияны сенсациялық түрде 3-2 есебімен жеңді.

"Бұл - біз үшін футболымыздың әлеуетін бүкіл Еуропаға тағы бір мәрте паш етіп, жастарымызды спортқа ынталандыруға мүмкіндік беретін маңызды матч. Футболшыларымызға барын салып, жоғары деңгейдегі ойын көрсетулерін тілейміз", - деді Туризм және спорт министрі Ермек Маржықпаев.

Туризм және спорт министрлігі ұсынған ақпаратқа сүйенсек, матч отандық Qazsport және Qazaqstan телеарналарында көрсетіледі.

Мәтіннен қате тапсаңыз, бізге жазыңыз