Петропавлда 18 жастағы футболшы ойын кезінде құлап, қайтыс болды

Петропавлда 18 жастағы футболшы жаттығу кезінде жарақат алып, ауруханаға жеткізілді. Медицина қызметкерлері оның өмірін сақтап қала алмады. Ол аурухананың қабылдау бөлімінде қайтыс болды, деп хабарлайды KAZ.NUR.KZ.

Желіде қайғылы оқиғаның видеосы тарап кетті. Бейнежазбада ойыншының жүгіріп келе жатып, кенеттен жерге құлап қалғаны көрініс тапты.

Белгілі болғандай, 16 қазан күні сағат 20:04 шамасында Петропавл полициясына медициналық мекеменің қабылдау бөлмесінде 18 жастағы қала тұрғыны қайтыс болды деген хабарлама келіп түскен.

Аталған оқиғаға қатысты ішкі істер министрлігі пікір білдірді. Анықтағандай, қазіргі уақытта сот-медициналық сараптама тағайындалды

"Жас жігітті Жамбыл-Чайковский көшелерінің қиылысында орналасқан футбол алаңынан дәрігерлердің алып кеткені анықталды. Футбол ойнау кезінде қала тұрғыны өзін жайсыз сезініп, көгалға құлаған", - делінген ресми мәлімдемеде.

Факт ҚР ҚК-нің 001-бабы бойынша сотқа дейінгі тергеп-тексерулердің бірыңғай тізілімінде тіркелді. Сот-медициналық сараптама тағайындалды. Істің барлық мән-жайларын зерттеуге бағытталған сотқа дейінгі тергеу жүріп жатыр, оның нәтижелері бойынша түпкілікті процестік шешім қабылданатын болады.

Мәтіннен қате тапсаңыз, бізге жазыңыз