Бахтиер Зайнутдинов Қазақстан құрамасы тарихындағы үздік сұрмерген атанды

ЕУРО-2024 іріктеу матчында Финляндия қақпасына екі гол салған қазақстандық жартылай қорғаушы Бахтиер Зайнутдинов командасына жеңіс қана алып келмей, футболдан Қазақстан құрамасы тарихындағы сұрмергендер тізімінде көш бастады, деп жазады KAZ.NUR.KZ.

Бахтиер Зайнутдинов ұлттық құрама сапындағы 13 және 14-голын соғып, ең үздік сұрмерген атанды. Бұған дейін аталмыш рекорд Руслан Балтиевке (13 гол) тиесілі болған еді.

17 қазанда Қазақстан құрамасы ЕУРО-2024 іріктеу кезеңі аясында сырт алаңда Финляндия командасымен кездесті. Тартысты матчта отандастарымыз камбэк жасап, тарихи жеңіске жетті.

Айта кетейік, осы жеңістен кейін Қазақстан құрамасын қоржынында 15 ұпай бар. Қазақстандықтар енді Еуро-2024 жолдамасы үшін таласты жалғастырады.

Мәтіннен қате тапсаңыз, бізге жазыңыз