Футболдан Бразилия құрамасы соңғы 22 жылда алғаш рет Уругвайдан жеңіліп қалды

2026 жылғы әлем чемпионатының іріктеу турнирі аясында өткен Уругвай мен Бразилия матчында тарихи жағдай орын алды. Бразилиялықтар бұл қарсыластарына соңғы 22 жылда алғаш рет жеңілді, деп жазады KAZ.NUR.KZ.

Уругвай мен Бразилия құрамалары арасындағы кездесу 2:0 есебімен уругвайлықтардың жеңісімен аяқталды. Гол авторы Дарвин Нуньес пен Николас Де Ла Круз.

Айта кетерлігі, Бразилия құрамасы 2001 жылдың шілдесінен бері Уругвайға алғаш рет жеңіліп отыр.

Сондай-ақ, Бразилия құрамасы екінші таймды басты жұлдызы Неймарсыз өткізді. Шабуылшы бірінші таймның соңында ауыр жарақат алып қалды.

31 жастағы бразилиялықты Ришарлисон ауыстырды. "Аль-Хиляль" шабуылшысы алаңнан кетіп бара жатып, көз жасын тыя алмады.

Мәтіннен қате тапсаңыз, бізге жазыңыз