Франциялық клуб Палестинаны қолдаған алжирлік ойыншыны негізгі құрамнан шығарып тастады

Франциялық "Ницца" футбол клубы Палестинаны қолдаған алжирлік ойыншы Юсеф Атальды негізгі құрамнан алшақтатты. Бұл туралы клубтың ресми сайты хабарлайды.

"9 қазанға дейін Аталь Алжир құрамасында болды. Ол командаға оралған соң "Ницца" басшылығы футболшымен әңгімелесті. Ойыншы желідегі жазбасын өшіріп, жазбаша және көпшілік алдында кешірім сұрап, өз қателігін мойындағанын жақсы түсінеді.

Бірақ жазбаның маңыздылығын ескере отырып, клуб дереу тәртіптік санкциялар қолданып, оның негізгі құрамнан алшақтатты", - делінген ресми хабарламада.

Бұған дейін Аталь әлеуметтік желіде Палестинаны қолдау мақсатында видео жариялап, кейін өшіріп тастаған. Видеода палестиналық дін уағыздаушының израильдіктерге жамандық тілегені көрсетілген.

Юсеф Аталь 27 жаста. Ол 2018 жылдан бері "Ницца" құрамында ойнайды. Бүгінге дейін ол 115 матч өткізіп, 12 гол соққан.

Мәтіннен қате тапсаңыз, бізге жазыңыз