Футболдан Қазақстан ұлттық құрамасының Сан-Марино және Словениямен өтетін ойындарына шақырту алған футболшылардың кеңейтілген тізімі жарияланды, деп хабарлайды KAZ.NUR.KZ Қазақстан футбол федерациясының Telegram-дағы ресми арнасына сілтеме жасап.
Еуро-2024 жарысына іріктеу аясында өтетін кезекті матчтардың кеңейтілген тізіміне 40 футболшы енді.
17 қараша Сан-Мариноға және 20 қараша Словенияға қарсы өтетін матчқа дайындық Астана қаласында 5 қараша күні басталады. Оқу-жаттығу жиынының нәтижесінде бұл тізім қысқарып, тағы нақтыланады.
Айта кетейік, футболдан Қазақстан ұлттық құрамасы Еуро-2024 чемпионатының іріктеу аясының топтық кезеңінде 15 ұпаймен әзірге 3-орында.
Мақаланың түпнұсқасы: https://kaz.nur.kz/sport/football/2042827-ulttyq-quramaga-saqyrtu-algan-futbolsylardyn-keneitilgen-tizimi-zariyalandy/
