Футзал: "Қайрат" чемпиондар лигасында венгриялық "Халадашпен" бақ сынасады

27 қазанда, алматылық "Қайрат" футзал клубы чемпиондар лигасының негізгі раундында екінші ойынын өткізеді. Бұл жолы қазақстандық команда венгриялық "Халадашпен" кездеседі, деп жазады KAZ.NUR.KZ.

"Қайрат" пен "Халадаш" арасындағы матч испаниялық Пальма-де-Мальорка қаласында өтеді. Кездесу Астана уақыты бойынша сағат 21:40-та басталады. Матчты Qazsport телеарнасы тікелей эфирде көрсетеді.

Айта кетейік, бірінші турда алматылықтар люксембургтік "Дифферданжды" 4-2 есебімен жеңіп кеткен еді. Ал "Халадаш" испаниялық "Пальмаға" 1:3 есебімен есе жіберді.

"Қайрат" өнер көрсетіп жатқан "А" элиталық раундына топтың үздік 3 командасы өтеді.

Мәтіннен қате тапсаңыз, бізге жазыңыз