"Қайрат" футзал клубы чемпиондар лигасының элиталық кезеңіне өтті

Алматылық "Қайрат" Испанияда өтіп жатқан футзалдан чемпиондар лигасының негізгі кезеңін сәтті аяқтап, элиталық раундқа жолдама алды. Қазақстандық команда өз тобында екінші орын алып, келесі кезеңге өтті, деп хабарлайды KAZ.NUR.KZ.

"Қайрат" футзал клубы үшінші кездесуінде испаниялық "Пальма" командасымен бақ сынасты. Тартысты кездесу 4:3 есебімен алаң иелерінің жеңісімен аяқталды.

"Пальма" сапында Ромуло, Бруно Гомеш және Фабиньо гол соқса, алматылық клуб құрамында Клебер (автогол) , Кайо Руис және Дәурен Тұрсағұлов голдың авторы атанды.

Қорытынды ойында жеңіліп қалғанына қарамастан, алматылық клуб топта екінші орын алып, футзалдан УЕФА Чемпиондар лигасының элиталық кезеңіне шықты.

"Пальма (Испания) – "Қайрат" (Қазақстан) – 4:3 (3:0)

Голдар: Ромуло 2 (1:0), Бруно Гомеш 14 (2:0), Фабиньо 15 пен (3:0), 39 (4:2) – Клебер 24 АГ (3:1), Кайо Руис 29 (3:2), Тұрсағұлов 40 (4:3)

Мәтіннен қате тапсаңыз, бізге жазыңыз