"Елімай" клубының жанкүйері матч кезінде автокөлік ұтып алды (фото)
Жарияланған күні:
Семейлік "Елімай" футбол клубы жанкүйерлер арасында автокөлік ойнатып, матч кезінде жеңімпазды анықтады, деп хабарлайды KAZ.NUR.KZ футбол клубының ресми Instagram парақшасына сілтеме жасап.
"Елімай" клубының ақпаратына сәйкес, автокөлікті команданың серіктестері ойнатқан. Нәтижесінде су жаңа жол талғамайтын көлік семейлік клубтың жанкүйеріне бұйырды.
Темір тұлпарды табыстау рәсімі "Елімайдың" стадионында көпшілік алдында өтті.
Желі қолданушылары жеңімпаз үшін қуанып, оны жарыса құттықтауда.
Айта кетейік, бұған дейін "Елімай" футбол клубының қазіргі бас бапкері Самат Смақов Семей мәслихатының депутаты болып сайланғанын хабарлаған едік.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2043427-elimai-klubynyn-zankuieri-matc-kezinde-kolik-utyp-aldy-foto/