"Қайрат", "Зенит" және "Пахтакор" футбол клубтары халықаралық турнирде кездеседі

Алматы қаласында қазақ футболының аңыз ойыншысы Сейілда Байшақовты еске алуға арналған халықаралық жасөспірімдер турнирі өтеді, деп хабарлайды KAZ.NUR.KZ "Қайрат" футбол клубының Instagram-дағы ресми парақшасына сілтеме жасай отырып.

Алматыда өтетін халықаралық турнирге 2007 жылы туған футболшылардан жасақталған төрт команда қатысады:

• "Қайрат" U-17 (Қазақстан)
• "Зенит" U-17 (Ресей)
• "Пахтакор" U-17 (Өзбекстан)
• "Насаф" U-17 (Өзбекстан)

Матчтар Тимур Сегізбаев атындағы "Қайрат" футбол клубының академиясында 6 қарашадан 10 қарашаға дейін болады. Төрт команда бір-бірімен жеке ойнап шығады. Ең көп ұпай жинаған екі команда финалға шықса, қалған екі ұжым үшінші орынға таласады.

Айта кетейік, Сейілда Байшақов - КСРО спорт шебері және ҚР Еңбек сіңірген жаттықтырушысы.

Мәтіннен қате тапсаңыз, бізге жазыңыз