"Астана" футбол клубының логотипі ауысты (фото)

Елордалық "Астана" футбол командасы логотипін ауыстырды, деп хабарлайды KAZ.NUR.KZ "Астана" футбол клубының Instagram-дағы ресми парақшасына сілтеме жасай отырып.

Қазақстан Премьер-лигасының жеті дүркін чемпионы, Қазақстан Кубогының үш дүркін чемпионы 2014-2019 жыл аралығында қолданған логотипін қолданысқа қайта енгізді. Бұл логотипті ресми түрде қолдану 2023 жылдың 1 қарашасынан басталады.

"Тарихқа үңілсек, "Астана" футбол клубының ел біріншілігі мен халықаралық аренадағы басты жеңістері осы логотиппен тығыз байланысты", - деп жазылған клубтың instagram-дағы ресми парақшасында.

Еске салайық, Қазақстан Премьер-лигасының 2023-2024 жылғы маусымында "Астана" футбол клубы 53 ұпай жинап, 2-орын иеленді.

Мәтіннен қате тапсаңыз, бізге жазыңыз