"Қайрат" командасы испаниялық "Барселонаға" қарсы матч өткізуі мүмкін

Бүгін 2 қараша күні футзалдан УЕФА Чемпиондар лигасының топтық кезеңінің жеребе тарту рәсімі өтеді, деп хабарлайды KAZ.NUR.KZ "Қайрат" футзал клубының Instagram-дағы ресми парақшасына сілтеме жасап.

Қазақстандық "Қайрат" футзал командасы биыл УЕФА Чемпиондар лигасының элиталық кезеңінде өнер көрсетеді. Аталмыш турнирде 16 команда төрт топқа бөлініп, өзара кіл мықтыны анықтайды. Жеребе тарту рәсімі бүгін Астана уақытымен 19:00-де басталады. "Қайрат" футзал командасының потенциалды қарсыластары:

• "Спортинг" (Португалия);
• "Барселона" (Испания);
• "Бенфика" (Португалия);
• "Олмиссум" (Хорватия);
• "Лозница-Град 2018» (Сербия);
• "Халадаш" (Венгрия);
• "Добовец" (Словения);
• "Любава" (Польша);
• "Рига" (Латвия);
• "Приштина" (Косово);
• "Эболи" (Италия).

Еуропаның 16 мықты ұжымы бас қосқан байрақты бәйге 28 қараша күні басталады. Ал финалдық кездесулер 2-5 мамыр аралығында өтеді.

Мәтіннен қате тапсаңыз, бізге жазыңыз