Top.Mail.Ru
Спорт

Сайт нұсқасы

ru kz

Зектілері

Футболдан Қазақстан кубогы: "Ордабасы" осы маусымдағы екінші трофейін жеңе ала ма

Опубликовано:

"Ордабасы" ФК
"Ордабасы". Фото: instagram/fc_ordabasy

4 қараша күні Қазақстан кубогының финалында "Ордабасы" мен "Тобыл" ұжымдары кездеседі, деп хабарлайды KAZ.NUR.KZ.

Еліміздегі футбол маусымының аяқталуына бір ойын қалды. Алда Қазақстан кубогының финалы. Ертең, 4 қараша сағат 16:00-де "Астана Арена" алаңында Шымкенттің "Ордабасы" мен Қостанайдың "Тобыл" клубтары өзара кіл мықтыны анықтайды.

1992 жылы бастау алған аталмыш турнир биыл 31-рет ұйымдастырылып отыр. Ал Қазақстан кубогын ең көп жеңген команда – "Қайрат". Алматылық ұжым бұл турнирде 10 мәрте жеңіске жеткен.

"Ордабасы" мен "Тобыл" ел кубогының ақтық сынында алғаш рет жолығып тұрған жоқ. Бірінші кездесу 2007 жылы болған еді. Сол матчта атақты бапкер Дмитрий Огайдың ойыншылары 3:0 есебімен жеңіп, "Тобыл" кубок иегері атанған еді. Одан кейін араға 4 жыл салып, Алматыдағы финалда "Ордабасы" 1:0 есебімен жеңіп, 2011 жылғы Қазақстан кубогының чемпионы атанды. Енді, қос ұжымның финалдағы үшінші кездесуі болмақ.

Осыған дейін "Ордабасы" екі мәрте (2011, 2022) Қазақстан кубогының чемпионы болса, "Тобыл" бір рет ғана алтын жүлдеге ие болған (2007).

Еске салайық, "Ордабасы" футбол клубы биыл алғаш рет Қазақстан Премьер-лигасының чемпионы атанды. Ал "Тобыл" ұжымы 26 тур қорытындысы бойынша 34 ұпай жинап, ішкі біріншілікті 8-орында аяқтады.

Мақаланың түпнұсқасы: https://kaz.nur.kz/sport/football/2044021-futboldan-qazaqstan-kubogy-ordabasy-osy-mausymdagy-ekinsi-trofeiin-zene-ala-ma/