Зайнутдинов ұлттық құраманың алда болатын ойындарына қатыса алмайды

Қазақстан футбол құрамасының және "Бешікташ" клубының ойыншысы Бахтиер Зайнутдинов ұлттық құраманың Сан-Марино және Словенияға қарсы матчтарына қатыспайды, деп хабарлайды KAZ.NUR.KZ футбол федерациясына сілтеме жасап.

Федерация мәліметіне сәйкес, Бахтиер Зайнутдинов ұлттық құрама сапына бүгін, 15 қарашада қосылу керек болған.

Алайда футболшы "Бешікташ" – "Ыстамбұл Башакшехир" матчында жарақат алып қалды. Оның емделуіне кеміне 2-3 апта уақыт кетпек.

"Өкінішке қарай, оқу-жаттығу жиынын және шешуші екі ойынды жіберуге мәжбүр", - делінген федерация хабарламасында.

Желі қолданушылары футболшыға қолдау білдіріп, тез сауығып кетуін тілеуде.