Ресми: "Қайрат" футбол клубы Ла Лигада ойнаған футболшыны сатып алды
Жарияланған күні:
Қазақстандық "Қайрат" футбол клубы 2016 жылы Испанияның "Алавес" командасында ойнаған футболшы Лука Гадраниді сатып алды, деп хабарлайды KAZ.NUR.KZ "Қайрат" клубының Instagram-дағы ресми парақшасына сілтеме жасап.
Қазақстан Премьер-лигасының үш дүркін және Қазақстан Кубогының он дүркін чемпионы "Қайрат" футбол командасы грузиялық ойыншы Лука Гадраниді сатып алды.
Лука Гадрани кәсіби мансабын Грузияның "Динамо Тбилиси" мен "ВИТ Джорджия" командаларында бастаған. Ал 2016 жылы испандық "Алавес" командасының екінші құрамында доп тепкен.
Гадрани 2022 жылы "Тараз" футбол клубында, ал 2023 жылы "Ақтөбе" ұжымында ойнаған. "Ақтөбе" сапында 26 матч өткізіп, 3 гол соққан.
Айта кетейік, алматылық "Қайрат" 26 жастағы қорғаушымен 2025 жылға дейін келісімшартқа отырды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2045713-resmi-qairat-futbol-kluby-la-ligada-oinagan-futbolsyny-satyp-aldy/