Тағыберген мен Самородов үздік бестікте: ҚПЛ-дың ең қымбат ойыншылары анықталды

Қазақстан Премьер-лигасында ойнайтын футболшылардың нарықтағы құны жаңарды, деп хабарлайды KAZ.NUR.KZ тілшісі.

2023 жылғы Қазақстан Премьер-лигасының маусымы аяқталуына орай Transfermarkt порталы қазақстандық клубта ойнайтын футболшылардың нарықтағы құнын жаңартты.

Неміс порталының назарына ҚПЛ-дың 344 футболшысы ілікті. Оның ішінде легионер ойыншылар мен қазақстандық футболшылар да бар. Үздік топ-10 ойыншының қатарында "Астана", "Ақтөбе" және биыл чемпион атанған "Ордабасының" футболшылары бар.

Қазақстан Премьер-лигасының топ-5 қымбат ойыншылар тізімі:

1. Эбонг – 1 миллион еуро (Астана ФК);
2. Дарбо – 1 миллион еуро (Астана ФК);
3. Беседин – 1 миллион еуро (Ордабасы ФК);
4. Самородов – 900 мың еуро (Ақтөбе ФК);
5. Тағыберген – 900 мың еуро (Ордабасы ФК).

Айта кетейік, бұл көрсеткіштер Қазақстан Премьер-лигасы тарихындағы ең жоғары нәтиже емес. ҚПЛ тарихындағы ең қымбат ойыншы рекордын 2021 жылы "Астана" футбол клубында ойнаған Тигран Барсегян орнатқан (2,5 миллион еуро).