2024 жылғы Еуропа чемпионатына іріктеу кезең аясында Қазақстан ұлттық құрамасы мен Сан-Марино ұжымдары кездеседі, деп хабарлайды KAZ.NUR.KZ.
Бүгін, 17 қарашада футболдан Қазақстан ұллтық құрамасы өз алаңында Сан-Марино құрамасын қабылдайды. Бұл матч 2024 жылы Германияда өтетін Еуропа чемпионатына іріктеу турнирі аясындағы 9-тур ойыны. Кездесу "Астана Арена" алаңында жергілікті уақыт бойынша сағат 21:00-де басталады. Матчтың тікелей эфирін Qazaqstan және Qazsport арналарынан тамашалауға болады.
Еске салайық, Қазақстан ұлттық құрамасы қарашада іріктеу турнир аясындағы соңғы екі матчын өткізеді. 17 қараша өз алаңында Сан-Мариноға қарсы, ал 21 қараша сырт алаңда Словения ұлттық құрамасына қарсы ойын өткізеді.
Мақаланың түпнұсқасы: https://kaz.nur.kz/sport/football/2046261-euro-2024-qazaqstan-san-marino-matcyn-qaidan-tamasalauga-bolady/
