20 жастағы Беллингем әйгілі Роналдудың рекордын жаңартты
Опубликовано:
"Реал Мадрид" футбол клубының ойыншысы Джуд Беллингем Роналдудың рекордын жаңартты. Бұл туралы KAZ.NUR.KZ тілшісі хабарлайды.
26 қараша испаниялық "Реал Мадрид" Ла лиганың 14-туры аясындағы ойында сырт алаңда "Кадис" командасымен күш сынасты. Тартысты кездесу 0:3 есебімен мадридтіктердің пайдасына шешілді. Матчтың 16 және 64-минутында "Реалдың" шабуылшысы Родриго екі гол салып, дубль авторы атанды. Ал Беллингем 74-минутта гол соғып ойынның нүктесін қойды.
ESPN FC басылымының ақпараты бойынша, Беллингем "Реал" тарихында бастапқы 15 матчта 14 гол соққан алғашқы ойыншы. Осыған дейін бұл рекорд Криштиану Роналду мен Ди Стефаноға тиесілі еді (13 гол).
Еске салайық, 20 жастағы Джуд Беллингем мадридтік "Реалмен" 2029 жылға дейін келісімшартқа отырды. Трансфер құны 103 миллион еуро.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2047749-bellingem-aigili-ronaldudyn-rekordyn-zanartty/