Максим Самородов ресейлік клубқа ауысуға ниет білдірді

Қазақстан ұлттық құрамасының және "Ақтөбе" футбол клубының жартылай қорғаушысы Максим Самородов ресейлік клубтарға ауысуға қадам жасады. Бұл туралы KAZ.NUR.KZ Meta-ratings.kz сайтына сілтеме жасап хабарлайды.

Meta-ratings.kz мәліметінше, 21 жастағы футболшы биыл күзде Ресей астанасы Мәскеуге барып, футбол агенттігінің біріне топ-клубтармен келіссөз жүргізуге рұқсат берген.

Бұған дейін Максим Самородовқа "Краснодар" мен "Спартак" футбол клубтары қызығушылық танытқан еді.

Футболшының өзі "Трабзонспор" клубына ауысып, Түркияға көшкісі келеді. Сонымен қатар Самородовтың Қазақстан құрамасы сапында өткізген матчтарын италиялық "Торино" өкілдері бірнеше рет тамашалаған екен.

Ал "Ақтөбе" клубы Самородовқа келісімшартты созу туралы ұсыныс жасады. Алайда футболшының өзі нақты шешім қабылдауға асығар емес.

Мәтіннен қате тапсаңыз, бізге жазыңыз