Ресми: Винисиус алғаш рет Бразилияның үздік ойыншысы атанды

"Реал Мадрид" футбол клубының ойыншысы Винисиус Жуниор алғаш рет Бразилияның үздік ойыншысы атағын жеңіп алды. Бұл туралы KAZ.NUR.KZ sambafoot.com сайтына сілтеме жасап хабарлайды.

Футболдан Бразилия ұлттық құрамасының шабуылшысы Винисиус Жуниор 2023 жылдың қорытындысы бойынша Бразилияның үздік ойыншысына берілетін "Алтын самба" жүлдесіне қол жеткізді.

Екінші орынға осыған дейін бұл жүлдені қатарынан үш рет жеңген "Аль-Хилялдың" ойыншысы Неймар жайғасып, үздік үштікті "ПСЖ" қорғаушысы Маркиньос түйіндеді.

Айта кетейік, "Алтын самба" сыйлығы 2021 жылға дейін тек Еуропада ойнайтын бразилиялық футболшыларға табысталып келді. Сол жылдан кейін Бразилияның ішкі біріншілігінде және шетелде ойнайтын барлық бразилиялқтарды қамтитын болды.

Еске салайық, Бразилияның 2022 жылғы үздік ойыншысы Неймар атанған еді. "Вест Хэмнің" ойыншысы Лукас Пакета екінші орын алса, үшінші орынды "Ньюкасл Юнайтед" клубының футболшысы Бруно Гимарайнш иеленді.

Мәтіннен қате тапсаңыз, бізге жазыңыз