Семейлік "Елімай" футбол клубы 28 жастағы қақпашы Мирослав Лобанцевпен келісімшартқа отырды. Бұл туралы KAZ.NUR.KZ "Елімай" футбол командасының Instagram-дағы рсеми парақшасына сілтеме жасап хабарлайды.
Футболдан Қазақстан Премьер лигасына жолдама алған семейлік "Елімай" футбол клубы 28 жастағы ойыншы Мирослав Лобанцевті команда сапына қосты.
Мирослав Лобанцев – мәскеулік "Локомотив" футбол клубының түлегі. Осыған дейін Ресей Премьер лигасында ойнайтын "Крылья Советов" және "Ротор" ұжымдарының намысын қорғады.
Айта кетейік, Лобанцев "Елімай" футбол клубының жаңа бас бапкері Андрей Владимирович тізгінін ұстаған "Қызыл-Жар" мен "Ақтөбе" клубтарында да өнер көрсетті. "Ақтөбе" сапында 2022/23 жылғы Қазақстан Премьер лигасының қола жүлдегері.
Мақаланың түпнұсқасы: https://kaz.nur.kz/sport/football/2049638-lokomotiv-futbol-klubynyn-tulegi-qazaqstandyq-komandanyn-namysyn-qorgaidy/
