Талдықорғандық "Жетісу" футбол клубының бас бапкері қызметіне Қазақстан ұлттық құрамасының бұрынғы капитаны Қайрат Нұрдәулетов тағайындалды. Бұл туралы KAZ.NUR.KZ "Жетісу" футбол клубының Instagram-дағы ресми парақшасына сілтеме жасап хабарлайды.
Қазақстан ұлттық құрамасының бұрынғы капитаны, футболдан Қазақстан чемпионы, ҚР Кубогының иегері, ҚПЛ-дың 2002 жылғы үздік жартылай қорғаушысы Нұрдәулетов Қайрат Жұмабекұлы "Жетісу" командасының бас бапкері болып тағайындалды.
Қайрат Жұмабекұлы – ойыншы ретінде "ЦСКА-Қайрат", "Есіл-Богатырь", "Ертіс", "Қайрат", "Тобыл", "Астана" және "Қайсар" командаларында өнер көрсетті. Қайрат Нұрдәулетов мансабын аяқтаған соң ұлттық құраманың жаттықтырушылар штабына енді, кейін Қазақстан жастар құрамасының бас бапкері қызметін атқарды.
Мақаланың түпнұсқасы: https://kaz.nur.kz/sport/football/2051668-futboldan-qazaqstan-ulttyq-quramasynyn-buryngy-oiynsysy-zetisu-klubynyn-bapkeri-atandy/
