Футзалдан Қазақстан құрамасы Өзбекстан командасымен жолдастық матч өткізеді
Опубликовано:
Футзалдан Қазақстан ұлттық құрамасы Өзбекстан командасымен екі жолдастық кездесу өткізеді. Бұл туралы KAZ.NUR.KZ Қазақстан футбол федерациясының Instagram-дағы ресми парақшасына сілтеме жасап хабарлайды.
Жолдастық матчтар Ташкент қаласында өтетін 2024 жылғы Әлем чемпионатына дайындық аясында ұйымдастырылады. Ойындар 8 және 10 сәуір күндеріне белгіленді. Екі матч та Өзбекстан астанасында өткізіледі. Осыған дейін қос құрама 2021 жылы екі жолдастық кездесу өткізген еді. Бірінші кездесуде қазақстандықтар Өзбекстан ұжымын 3:2 есебімен жеңсе, келесі кездесудің жеңімпазы 6:4 есебімен өзбекстандықтар болды.
Айта кетейік, футзалдан Қазақстан құрамасы іріктеу кезеңінің элиталық дивизионында 6 ойынның бәрін жеңіп, рекордтық нәтиже көрсеткен еді. Қазақстан ұлттық құрамасы Әлем чемпионатына осымен төртінші рет қатысады. Команда ең үздік нәтижені 2021 жылы көрсеткен еді (4-орын).
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2052112-futzaldan-qazaqstan-quramasy-ozbekstan-komandasymen-zoldastyq-matc-otkizedi/