"Барселона" АҚШ-та өткен жолдастық кездесуде жеңілсе де, қыруар ақша тапты
Опубликовано:
Далласта (АҚШ) өткен жолдастық матчта "Барселона" футбол клубы мексикалық "Америка" командасынан жеңілді. Бұл туралы KAZ.NUR.KZ тілшісі хабарлайды.
Матч 2:3 есебімен мексикалық футбол клубының пайдасына шешілді. "Барселона" командасы сапында Ламин Ямаль (6-минут) және Марк Гиу гол (28) соқты. "Американың" құрамындағы Джулиан Киньонес (12, 50) дубль жасаса, тағы бір допты Энри Мартин (82) соқты.
Barca Universal порталының Twitter-дегі ресми парақшасына сүйенсек, испандық клуб Далластағы кездесуден бес миллион еуро ақша тапқан. Десе де команда ойыншылары бұл матч үшін қосымша өтемақы алмаған.
Еске салайық, Испания чемпионатының 18 турынан кейін "Барселона" 38 ұпаймен үшінші орында тұр. Испандық құрама "Реал" мен "Жиронадан" 7 ұпайға артта келеді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2052150-barselona-aqs-ta-otken-zoldastyq-kezdesude-zenilse-de-qyruar-aqsa-tapty/