"Реал Мадрид" футбол клубы Қазақстан ұлттық құрамасының қорғаушысы Нұралы Әліпке ресми түрде ұсыныс жасаған жоқ. Бұл туралы KAZ.NUR.KZ Sport24 сайтына сілтеме жасап хабарлайды.
Нұралы Әліптің мүддесін қорғайтын Player Career Management агенттігі футболшыға мадридтік "Реал" қызығып отырғаны туралы қауесетке жауап берді.
"Нұралы Әліпке көп команда қызығушылық танытып, ұсыныс білдірді. Мысалы, Түркияның командалары. "Реалға" келер болсақ, біз қағаз жүзінде ешқандай ұсыныс алған жоқпыз. Біз "Зенитпен" сөйлесеміз, бірақ бұл кезеңде емес. Бүгінгі таңда ресейлік команда Әліпті команданың РПЛ-да жоғары нәтиже мен жеңіске жетуіне үлес қосқан негізгі құрамның ойыншысы ретінде есептейді", – делінген агенттіктің мәлімдемесінде.
Нұралы Әліп сегіз жасынан бастап "Каспий" академиясында футболмен айналысқан.
2015 жылы "Қайрат" академиясына ауысып, арада үш жыл өткен соң алматылық клуб сапында алғаш рет алаңға шықты. Нұралы "Қайрат" сапында жалпы есебі 99 матч өткізген.
24 жастағы футболшы 2022 жылдың ақпан айынан бері "Зенит" сапында ойнап жүр. Осы маусымда ол санкт-петербургтік клубтың құрамында 20 матч өткізді.
Мақаланың түпнұсқасы: https://kaz.nur.kz/sport/football/2053022-qazaqstandyq-futbolsy-nuraly-alip-madridtik-realga-auysatyny-ras-pa/
