Футболдан Англия чемпионатының кезекті матчында "Арсенал" өз алаңында "Вест Хэмді" қабылдап, 0:2 есебімен жеңіліп қалды. Бұл туралы KAZ.NUR.KZ тілшісі хабарлайды.
Кездесу Лондондағы "Эмирейтс" стадионында өтті.
Бірінші таймның 13-минутында Томаш Соучек есеп ашты. Алғашқы таймда басқа ешкім гол салған жоқ. Ал екінші таймда Константинос Мавропанос есепті еселеді.
Осылайша "Арсенал" 2015 жылдан бері өз алаңында "Вест Хэмнен" алғаш рет ұтылды. Сөйтіп Англия премьер-лигасының турнир кестесінде бірінші орынға шыға алмады.
Қазір кестеде "Ливерпуль" 42 ұпаймен көш бастап тұр. Ал "Арсенал" 40 ұпаймен екінші орынға жайғасса, "Вест Хэм" 33 ұпаймен 6-орынға жоғарылаған.
Мақаланың түпнұсқасы: https://kaz.nur.kz/sport/football/2053280-arsenal-oz-alanynda-vest-xemnen-zenilip-qaldy/
