Семейлік "Елімай" мәскеулік "Динамо" командасымен жолдастық матч өткізеді. Бұл туралы KAZ.NUR.KZ "Елімай" құрамасының Telegram-дағы ресми арнасына сілтеме жасап хабарлайды.
Аталмыш кездесу оқу-жаттығу жиындары аясында 11 ақпан күні Түркияның Белек қаласында өтеді.
"Елімай" клубының бас бапкері Андрей Карпович пен оның көмекшісі Колодин бұрын "Динамо" сапында өнер көрсеткен.
“Елімай” футбол клубы 2022-2023 жылғы маусымда футболдан Қазақстан бірінші лигасының чемпионы атанып, ҚПЛ-ға жолдама алған еді. Семейлік команданы Премьер лигаға шығарған бапкер Самат Смақовтың орнына ұлттық құраманың бұрынғы бапкері Андрей Карпович келді.
Айта кетейік, "Динамо" 2021-2022 жылғы маусымда Ресей кубогының финалына шығып, "Спартак" командасынан 2:1 есебімен жеңілген еді.
Мақаланың түпнұсқасы: https://kaz.nur.kz/sport/football/2055253-elimai-futbol-kluby-resei-premer-ligasynyn-klubyna-qarsy-matc-otkizedi/
