Ресми: Игорь Шацкий "Ақтөбе" футбол клубының ойыншысы атанды

Футболдан Қазақстан ұлттық құрамасының қақпашысы Игорь Шацкий "Ақтөбе" футбол клубымен келісімшарт жасасты. Бұл туралы KAZ.NUR.KZ "Ақтөбе" клубының Instagram-дағы ресми арнасына сілтеме жасап хабарлайды.

34 жастағы қақпашы "Шахтер" футбол клубының түлегі және мансабының көп бөлігін қарағандылық командада өткізді. Сондай-ақ астаналық "Жеңіс" пен қостанайлық "Тобыл" сапында да өнер көрсетті.

Посмотреть эту публикацию в Instagram

Публикация от Instagram

2017 жылдан бастап ұлттық құрамаға шақырту алған Игорь команданың негізгі қақпашысына айналды. 2022 жылы "Қазақстан Премьер лигасының үздік қақпашысы" атанып, "Жыл спортшысы" номинациясында ұлттық жүлде иегері атанды.

Еске салайық, Игорь Шацкий бастаған Қазақстан ұлттық құрамасы көктемде Ұлттар лигасының плей-офф кезеңінде өнер көрсетеді. Жартылай финалда Грекия ұлттық құрамасын жеңсе, финалда Грузия – Люксембург жұбының жеңімпазымен күш сынасады.

Мәтіннен қате тапсаңыз, бізге жазыңыз