FIFA қауымдастығы 2023 жылдың үздік ойыншыларынан жасақталған құрамды жариялады

Халықаралық футбол федерациясы (FIFA) мен Халықаралық кәсіби футболшылар қауымдастығының федерациясы (FIFPro) 2023 жылдың символдық World 11 құрамасын жариялады. Бұл туралы KAZ.NUR.KZ FIFPro ұйымының X желісіндегі ресми парақшасына сілтеме жасап хабарлайды.

Үздік ойыншылардан жасақталған құраманың ойыншылары Лондонда өткен The Best FIFA Football Awards кешінде анықталды.

FIFA және FIFPro нұсқасы бойынша World 11 2023 құрамасы:

• Қақпашы: Тибо Куртуа (Бельгия / "Реал Мадрид");
• Қорғаушылар: Кайл Уокер (Англия / "Манчестер Сити"), Джон Стоунз (Англия / "Манчестер Сити"), Рубен Диаш (Португалия / "Манчестер Сити");
• Жартылай қорғаушылар: Бернарду Силва (Португалия / "Манчестер Сити"), Кевин де Брюйне (Бельгия / "Манчестер Сити"), Джуд Беллингем (Англия / "Борруссия Дортмунд" және "Реал Мадрид");
• Шабуылшылар: Лионель Месси (Аргентина / "ПСЖ" және "Интер Майами"), Эрлинг Холанд (Норвегия / "Манчестер Сити"), Килиан Мбаппе (Франция / "ПСЖ"), Винисиус Жуниор (Бразилия / "Реал Мадрид").

Осыған дейін World 11 2023 құрамасына үміткерлердің тізімі жарияланғанын жазғанбыз.

Мәтіннен қате тапсаңыз, бізге жазыңыз