"Интер" қатарынан үшінші жыл Италия Суперкубогын жеңіп алды

"Интер" футбол клубы финалда "Наполи" командасымен кездесіп, Италия Суперкубогын жеңіп алды. Бұл туралы KAZ.NUR.KZ тілшісі хабарлайды.

Италия Суперкубогының финалы Эр-Рияд қаласындағы (Сауд Арабия) "Әл-Авваль Парк" стадионында өтті.

Алғашқы минуттардан-ақ "Интер" өткір шабуыл көрсете бастады. 39-минутта Лаутаро Мартинестің голы оффсайдтан соғылғандықтан, есепке алынбады. Бірінші тайм нәтижесіз аяқталды. Матчтың жеңісті голын Лаутаро Мартинес 90+5-минутта соқты. Осылайша Италия Суперкубогын "Интер" футбол клубы жеңіп алды.

Осыған дейін "Милан" клубы 1992-1994 жылдар аралығында осындай нәтиже көрсеткен еді. Ал бұл "Интер" футбол клубының аталмыш трофейді 8 мәрте иеленуі. Бұл көрсеткіш бойынша рекорд "Ювентусқа" тиесілі (9).

Мәтіннен қате тапсаңыз, бізге жазыңыз