Футболдан Африка ұлттар кубогының плей-офф кезеңінде ойнайтын командалар анықталды
Опубликовано:
Футболдан Африка ұлттар кубогының плей-офф кезеңіне өткен барлық құрама белгілі болды. Бұл туралы KAZ.NUR.KZ Африка ұлттар кубогының Instagram-дағы ресми парақшасына сілтеме жасап хабарлайды.
Плей-офф кезеңге 16 команда жолдама алды. Олар: Камерун, Сенегал, Ангола, Мавритания, Намибия, Гвинея, Буркина-Фасо, Экваторлық Гвинея, Нигерия, Кабо-Верде, Мали, Оңтүстік Африка, Египет, Марокко, Конго ДР және Кот-д'Ивуар.
Енді 1/8 финалда осы жұптар кездеседі:
- Ангола – Намибия;
- Нигерия – Камерун;
- Экваторлық Гвинея – Гвинея;
- Египет – Конго ДР;
- Кабо-Верде – Мавритания;
- Сенегал – Кот-д'Ивуар;
- Мали – Буркина-Фасо;
- Марокко – Оңтүстік Африка.
1/8 финалдың матчтары 27-30 қаңтар аралығында өтеді.
Айта кетейік, Африка ұлттар кубогы 13 қаңтарда басталды және 11 ақпанға дейін жалғасады. Бұл бәсеке Батыс Африкадағы Кот-д’Ивуар Республикасының Абиджан, Буаке, Сан-Педро, Ямусукро және Корого қалаларында өтіп жатыр.
Соңғы рет Африка кубогын 2022 жылы Сенегал құрамасы жеңіп алған. Сенегалдықтар финалда Египет құрамасымен кездесіп, пенальти сериясы арқылы 4:2 есебімен ұтқан еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2057467-futboldan-afrika-ulttar-kubogynyn-plei-off-kezeninde-oinaityn-komandalar-anyqtaldy/