"Унион" футбол клубының бапкері "Бавария" ойыншысын ұрып жіберді (видео)

Берлиндік "Унион" футбол клубының бас бапкері Ненад Белица мюнхендік "Бавария" командасының ойыншысы Лерой Санеге қол көтерді. Бұл туралы KAZ.NUR.KZ тілшісі хабарлайды.

Футболдан Германия чемпионатының 13-туры аясында "Унион" мен "Бавария" командалары кездесті. Ойынның 74-минутында "Бавария" футболшысы Лерой Сане алаңның сыртына шығып кетке допты ойынға қоспақ болғанда "Унион" бапкері Ненад Белица оны ұрып жіберді. Осы әрекеті үшін бапкер қызыл қағаз алды.

Бұл ойында 1:0 есебімен "Бавария" жеңіске жетті. Матчтың 46-минутында Рафаэль Геррейру көзге түсті.

Футболдан Германия чемпионатының (Бундеслига) турнир кестесінде "Бавария" 44 ұпаймен 2-орынға табан тіреді. Ал "Унион" 14 ұпаймен 15-орынға жайғасқан. Кестеде 48 ұпаймен "Байер" командасы көш бастап тұр.

Айта кетейік, өткен жылы Бундеслигада "Бавария" жеңіске жеткен еді.

Мәтіннен қате тапсаңыз, бізге жазыңыз