Месси әлде Роналду: "Астана" футбол клубының ойыншылары кімді таңдайды
Опубликовано:
Елордалық "Астана" футбол клубының ойыншылары "Месси әлде Роналду мықты ма" деген сауалға жауап берді. Бұл туралы KAZ.NUR.KZ "Астана" командасының Instagram желісіндегі ресми парақшасына сілтеме жасап хабарлайды.
"Астана" футбол клубының бапкерлер штабы мен ойыншылары 14 қаңтардан бері Біріккен Араб Әмірліктерінде маусым алды оқу-жаттығу жиындарын өткізіп жатыр. Клубтың әлеуметтік желідегі ақпаратына сүйенсек, жаңа маусымға дайындық 31 қаңтарға дейін жалғасады.
Елордалық команданың ойыншыларына "Барлық уақыттағы ең үздік ойыншы кім? Месси әлде Роналду?" деген сұрақ қойылған еді. Футболшылардың басым көбі португалиялық спортшыны таңдады. 24 ойыншының 15-і Роналду десе, 9 футболшы ғана Месси деп жауап берді.
Айта кетейік, "Астана" футбол клубы ҚПЛ-дың өткен маусымында 53 ұпай жинап, жарысты 2-орында аяқтаған еді. Елордалық ұжым келесі маусым Еуропа лигасының іріктеу ойындарына қатысады.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2057780-messi-alde-ronaldu-astana-futbol-klubynyn-oiynsylary-kimdi-tandaidy/