Тәжікстан ұлттық құрамасы Қатарда өтіп жатқан Азия кубогының плей-офф кезеңінің алғашқы айналымында БАӘ құрамасын ұтып, 1/4 финалға жолдама алды. Бұл туралы KAZ.NUR.KZ тілшісі хабарлайды.
Ар-Райяндағы кездесудің негізгі уақыты 1:1 есебімен аяқталды. Тәжікстан құрамасынан Вахдат Ханонов 30 минутта гол соқты. Ал БАӘ командасы екінші таймда Халифа Әл Хаммадидің голының арқасында есепті теңестірді.
Осылайша кездесу пенальти сериясына дейін ұласты. Пенальти сериясында тәжікстандықтар бес соққының бәрін голға айналдырды. Ал команданың қақпашысы Рустам Ятимов қарсыластың бір соққысын қайтарды. Матчтан кейінгі сериядағы қорытынды есеп 5:3.
Алғаш рет Азия кубогының плей-офф кезеңінде бақ сынаған Тәжікстан құрамасы турнирдің үздік сегіз командасының қатарына енді. Ширек финалдағы қарсыласы 2 ақпанда өтетін Ирак – Иордания жұбының жеңімпазы.
Айта кетейік, футболдан Азия кубогының топтық кезеңдегі ойындары аяқталып, плей-оффқа өткен құрамалар белгілі болған еді. Плей-оффқа 16 команда жолдама алды. Олардың қатарында Тәжікстан, Аустралия, Қатар, Өзбекстан, Иран, БАӘ, Ирак, Жапония, Бахрейн, Оңтүстік Корея, Сауд Арабиясы, Таиланд, Иордания, Сирия, Палестина, Индонезия құрамалары бар.
Мақаланың түпнұсқасы: https://kaz.nur.kz/sport/football/2057978-futboldan-tazikstan-ulttyq-quramasy-tarixi-zetistikke-qol-zetkizdi/
