Африка кубогының 1/8 айналымындағы кездесулер мәресіне жетті. Ширек финалға жолдама алған құрамалар белгілі болды. Бұл туралы KAZ.NUR.KZ тілшісі хабарлайды.
Бүгін, 31 қаңтарда Африка кубогының 1/8 айналымындағы соңғы кездесу өтті. Шартты түрдегі алаң иелері Марокко ұлттық құрамасы 0:2 есебімен Оңтүстік Африка құрамасынан жеңіліп қалды. Ойынның 33 минутында Марокко футболшысы Эз Абде есеп ашқан еді, бірақ ойыннан тыс қалғандықтан гол есепке алынбады.
Кездесудің алғашқы голы тек екінші таймда соғылды. Оңтүстік Африка құрамасының ойыншысы Макгопа дәл соққы бағыттап, таблоға өзгеріс енгізді. Ал 85 минутта Хакими есеп теңестіретін мүмкіндігін жіберіп алды. Есесіне 90+5 минутта Оңтүстік Африка футболшысы гол соғып, матчтың нүктесін қойды.
Африка Ұлттар кубогының ширек финалдық жұптары:
- Нигерия – Ангола;
- Кабо-Верде – Оңтүстік Африка;
- Мали – Кот-д'Ивуар;
- Конго Демократиялық Республикасы – Гвинея.
Айта кетейік, матчтар 2-3 ақпан аралағында өтеді. Жеңіске жеткен ұлттық құрама жартылай финалда бақ сынайды.
Мақаланың түпнұсқасы: https://kaz.nur.kz/sport/football/2058382-futboldan-afrika-ulttar-kubogynyn-sirek-finalynda-oinaityn-zuptar-belgili-boldy/
