"Армандар орындалады": Магомед Адиев ұлттық құраманың кеңейтілген тізіміне блогерді қосты

Футболдан Қазақстан ұлттық құрамасының бас бапкері Магомед Адиев кеңейтілген тізімге блогер, бұрынғы футболшы Дидар Сыдықбекті қосқанын мәлімдеді. Бұл туралы KAZ.NUR.KZ Магомед Адиевтің Instagram-дағы ресми парақшасына сілтеме жасап хабарлайды.

Қазақстан ұлттық құрамасының бас бапкері Магомед Адиев команданың алдағы ойындарына арналған кеңейтілген тізімге блогер, бұрынғы футболшы Дидар Сыдықбекті қосқанын мәлімдеді.

"Досым, туған күнің құтты болсын! Сенің ойыныңды көріп жүрмін. Тіпті соңғы кездері гол соғып жүр екенсің. Сол себепті сен кеңейтілген тізімге ендің! P.s. Армандар орындалады", – деді Магомед Адиев.

Дидар Сыдықбек – бұрынғы кәсіпқой футболшы. Кезінде "Ақтөбе", "Қызылжар", "Ордабасы" футбол клубтары сапында және Қазақстан жастар құрамасы қатарында өнер көрсеткен. Ал қазір жекеменшік футбол командасы бар кәсіпкер, блогер.

Мәтіннен қате тапсаңыз, бізге жазыңыз