Қазақстан құрамасының Ұлттар лигасындағы ойын күнтізбесі анықталды

Футболдан Қазақстан ұлттық құрамасы Instagram парақшасында УЕФА Ұлттар лигасының 2024/25 маусымдағы топтық кезеңде өтетін матчтар күнтізбесі жарияланды, деп хабарлайды KAZ.NUR.KZ.

"Турнирді қыркүйек айында өз алаңымызда Норвегиямен бастап, қарашада сырт алаңда Норвегиямен аяқтаймыз", - делінген хабарламада.

Қазақстандықтар тұңғыш рет турнир дивизионының В лигасында өнер көрсетеді. Олардың 3-топтағы қарсыластары Аустрия, Норвегия және Словения құрамалары болмақ. Барлық команда бір-бірімен өз алаңында және сыртта бір ойыннан өткізеді. Әзірге қазақстандықтар қонақтарды қай жерде қабылдайтыны жайлы ресми ақпарат жоқ.

Елорданың жаңа уақыты бойынша Қазақстан құрамасының Ұлттар лигасының 2024/25 маусымдағы ойын күнтізбесі:

• 6 қыркүйек, 19:00. Қазақстан – Норвегия;
• 9 қыркүйек, 23:45. Словения – Қазақстан;
• 10 қазан, 23:45. Аустрия – Қазақстан;
• 13 қазан, 18:00. Қазақстан – Словения;
• 14 қараша, 20:00. Қазақстан – Аустрия;
• 17 қараша, 22:00. Норвегия – Қазақстан.

Мәтіннен қате тапсаңыз, бізге жазыңыз