"Барселона" футбол клубының ойыншысы Роберт Левандовский аргентиналық ойыншы Лионель Мессидің рекордын жаңартты. Бұл туралы KAZ.NUR.KZ Opta компаниясының X желісіндегі ресми парақшасына сілтеме жасап хабарлайды.
Чемпиондар лигасының 1/8 финалында "Барселона" мен "Наполи" командалары кездесіп, 1:1 есебімен тең тарқасты. Бұл ойынның 60-минутында "Барселона" шабуылшысы Роберт Левандовски гол соқты. Осылайша Чемпиондар лигасының плей-офф кезеңінде гол салған "Барселонаның" ең егде жастағы (35 жас, 184 күн) ойыншысы атанды. Бұған дейін аталмыш рекордты Лионель Месси орнатқан еді. Ол 2021 жылы 33 жасында (+259 күн) мергендік танытқан болатын.
Роберт Левандовски 2022 жылы "Барселонаға" ауысты. Польшалық футболшы осы маусымда барлық турнирде 34 матч өткізіп, 18 голмен және 6 нәтижелі паспен көзге түсті.
Тranfermarkt порталы Роберт Левандовскийдің трансферлік нарықтағы құнын 20 миллион еуроға бағалап отыр.
Мақаланың түпнұсқасы: https://kaz.nur.kz/sport/football/2062388-lionel-messidin-barselonadagy-rekordyn-zanartqan-futbolsy-kim/
