Қазақстан ұлттық құрамасының наурызда өтетін кездесулеріне шақырту алған ойыншылардың кеңейтілген тізімі жарияланды. Бұл туралы KAZ.NUR.KZ Қазақстан футбол федерациясының Instagram-дағы ресми парақшасына сілтеме жасап хабарлайды.
Футболдан Қазақстан ұлттық құрамасы наурыз айында 2024 жылғы Еуропа чемпионатына жолдама үшін таласады. Жартылай финалда Грекия құрамасына қарсы өнер көрсетеді. Бқл матч 21 наурызда Афина қаласында өтеді. Егер осы ойында жеңсе, финалда Грузия/Люксембург жұбының жеңімпазымен күш сынасады. Финал 26 наурызға жоспарланған.
Ұлттық құраманың оқу-жаттығу жиыны 8 наурызда Дубайда басталады. Плей-офф кезеңге қатысатын ойыншылардың нақты тізімі кейін белгілі болады.
Айта кетейік, "Қайрат" футбол клубының бұрынғы ойыншысы Айбол Әбікен кәсіпқой футболға қашан оралатынын айтқан еді. Сонымен қатар KAZ.NUR.KZ тілшісіне берген сұхбатында ұлттық құрама сапына шақырту алғысы келетінін мәлімдеді.
Мақаланың түпнұсқасы: https://kaz.nur.kz/sport/football/2063186-futboldan-qazaqstan-quramasyna-saqyrtu-algan-oiynsylar-tizimi-zariyalandy/
