Футболшы Эрлинг Холанд 1970 жылы орнатылған рекордты бұза алмады
Опубликовано:
"Манчестер Сити" футбол клубының ойыншысы Эрлинг Холанд 1970 жылы Джордж Бест орнатқан рекортты бұзуға жақын болды. Бұл туралы KAZ.NUR.KZ тілшісі хабарлайды.
Бүгін, 28 ақпанда Англия Кубогы аясында "Лутон Таун" және "Манчестер Сити" футбол клубтары кездесті. Пеп Гвардиоланың шәкірттері 2:6 есебімен жеңіп, турнирдің 1/4 кезеңіне жолдама алды.
"Манчестер Сити" шабуылшысы Холанд осы ойында бес гол соқты. Оған төрт нәтижелі пасты Кевин де Брюйне берді. Англия Кубогында соңғы рет бес голды 1970 жылы Джордж Бест соққан еді. Ол кезде англиялық футболшы "Нортхэмптонмен" болған ойында гекса-трик (6 гол) жасады.
Айта кетейік, "Манчестер Сити" қазір ағылшын Премьер лигасының 2-орнында келе жатыр. Гвардиола шәкірттерінде 59 ұпай болса, 1-орындағы "Ливерпулде" 60 ұпай.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2063435-futbolsy-erling-xoland-1970-zyly-ornatylgan-rekordty-buza-almady/