Әл-Фараби атындағы Қазақ ұлттық университетінде өткен "Астана" – "Жеңіс" матчы аяқталды

Футболдан Қазақстан Премьер лигасының жаңа маусымындағы алғашқы турда астаналық ұжымдар дерби өткізді. Бұл туралы KAZ.NUR.KZ тілшісі хабарлайды.

Ойын Алматыдағы Әл-Фараби атындағы Қазақ ұлттық университетінің ішіндегі стадионда өтті. Матчтың алғашқы голын "Астана" командасының шабуылшысы Усман Камара 19-минутта салды. Ал 61-минутта оның командаласы Елхан Астанов есепті еселеді. Осылайша 2:0 есебімен "Астана" командасы жеңіске жетіп, 3 ұпайға ие болды.

Айта кетейік, елордалық команда "Астана Арена" стадионындағы жөндеу жұмыстарына байланысты 2024 жылғы маусымда Алматыдағы "Хан Тәңірі" командасының алаңында ойнайтыны хабарланған еді.

Футболдан Қазақстан Премьер лигасы 1 наурыз – 10 қараша аралығында өтеді. Жарыста қазақстандық 13 клуб, атап айтқанда "Ақтөбе", "Астана", "Атырау", "Елімай", "Жеңіс", "Жетісу", "Қайрат", "Қайсар", "Қызылжар", "Ордабасы", "Тобыл", "Тұран" және "Шахтер" ойнайды. Ал Премьер лиганың 14-клубы болып тіркелген "Ақсу" командасы қаржылық қиындықтарға байланысты турнирге қатысудан бас тартты.

Мәтіннен қате тапсаңыз, бізге жазыңыз