Криштиану Роналду әлеуметтік желідегі парақшасында "Реал Мадрид" клубына үндеу жариялады

Португалиялық футболшы Криштиану Роналду испаниялық "Реал Мадрид" клубын 122 жылдық мерейтойымен құттықтады. Бұл туралы KAZ.NUR.KZ Криштиану Роналдудың Instagram-дағы ресми парақшасына сілтеме жасап хабарлайды.

"Мадридтік отбасыны 122 жылдық тарихымен құттықтаймын! Алға, Мадрид!", – деп жазды Роналду Instagram-дағы парақшасында.

Айта кетейік, "Реал Мадрид" футбол клубы 1902 жылы 6 наурызда құрылған. 39 жастағы Роналду бұл команда сапында 2009-2018 жылдары ойнады. Криштиану "Реал Мадридпен" бірге Испания чемпионы (2011/2012, 2016/2017), Испания кубогының иегері (2010/2011, 2013/2014), Чемпиондар лигасының (2013/2014, 2015/2016, 2016/2017, 2017/2018), сондай-ақ клубтық әлем чемпионатының (2014, 2016, 2017) жеңімпазы атанды.

Посмотреть эту публикацию в Instagram

Публикация от Instagram

Осыған дейін "Реал Мадридтің" бас бапкері 5 жылға жуық уақытқа түрмеге отыруы мүмкін екенін жазғанбыз. Қазір мадридтік клуб футболдан Испания чемпионатының турнир кестесінде 66 ұпаймен көш бастап тұр.

Мәтіннен қате тапсаңыз, бізге жазыңыз