"Ақтөбе" футбол клубы матчтан түскен қаражатты су тасқынынан зардап шеккендерге аударады
Опубликовано:
"Ақтөбе" футбол клубы елордалық "Жеңіс" командасына қарсы ойынның билетінен түскен қаржыны су тасқынынан зардап шеккендерге аударады. Бұл туралы KAZ.NUR.KZ хабарлайды.
Кеше, 31 наурызда Қазақстан Премьер лигасының 3-туры аясында "Ақтөбе" ұжымы өз алаңында "Жеңісті" қабылдады. Бұл ойынға футболшылар су тасқынынан зардап шеккендерді қолдау мақсатында "Күшіміз – бірлікте" атты жейдемен шықты. Сондай-ақ "Ақтөбе" клубы матчтың билетінен түскен қаражатты қайырымдылыққа жұмсамақ.
"Футбол клубының басшылығы "Ақтөбе" мен "Жеңіс" матчының билетінен түскен қаражатты облыстағы төтенше жағдайдан жапа шеккендерге аудару туралы шешім қабылдады", – делінген "Ақтөбе" командасының Instagram-дағы парақшасында.
Айта кетейік, "Ақтөбе" мен "Жеңіс" арасындағы ойын 3:0 есебімен алаң қожайындарының пайдасына шешілді. "Ақтөбе" сапынан Максим Самородов, Идрис Умаев, Дони Ромеро гол соқты. Идрис Умаев осы матчтың үздік ойыншысы атанды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2076507-aqtobe-futbol-kluby-matctan-tusken-qarazatty-su-tasqynynan-zardap-sekkenderge-audarady/