Қырғызстанға жол бердік: футболдан Қазақстан құрамасы FIFA рейтингінде үш сатыға төмендеді

Халықаралық футбол федерациясы (FIFA) ұлттық құрамалардың рейтингін жаңартты. Бұл туралы KAZ.NUR.KZ FIFA-ның ресми сайтына сілтеме жасап хабарлайды.

Аргентина құрамасы рейтингтегі бірінші орнын сақтап қалды. Екінші сатыда Франция, үшінші орында Бельгия командалары тұр. Ал Қазақстан құрамасы үш саты төмендеп, 103-орынға жайғасқан. Бұрынғы рейтингте 104-орында болған Қырғызстан командасы 100-сатыға көтерілді.

Еске салайық, Магомед Адиевтің шәкірттері Ұлттар лигасының плей-офф кезеңінде Грекия командасынан ірі есеппен жеңілген еді. Кейін жолдастық кездесуде Люксембурге есе жіберді.

ФИФА-ның 4 сәуірде жаңартылған рейтингі:

• 1. Аргентина — 1858.00;
• 2. Франция — 1840.59;
• 3. Бельгия— 1795.23;
• 4. Англия — 1794.90;
• 5. Бразилия — 1788.65;
• 6. Португалия — 1748.11;
• 7. Нидерланд — 1742.29;
• 8. Испания — 1727.50;
• 9. Италия — 1724.60;
• 10. Хорватия — 1721.07;
• 22. Украина — 1568.86;
• 35. Ресей — 1504.02;
• 64. Өзбекстан — 1386.58;
• 75. Грузия — 1333.76;
• 95. Армения — 1229.18;
• 96. Беларусь — 1226.54;
• 99. Тәжікстан — 1216.76;
• 100. Қырғызстан — 1213.60;
• 103. Қазақстан — 1203.64;
• 112. Әзербайжан — 1177.83.