Қазақстан құрамасының жаттықтырушылары Адиевпен бірге ресейлік клубта жұмыс істейтін болды

Грозныйдың "Ахмат" клубының баспасөз қызметі командада Магомед Адиевпен бірге футболдан Қазақстан құрамасының жаттықтырушылар штабының мүшелері де жұмыс істейтінін хабарлады, деп жазады KAZ.NUR.KZ.

Адиев Ресей премьер-лигасы клубының бас бапкері қызметіне тағайындау туралы жұма күні ресми түрде жарияланған. Маман бұл жұмысын Қазақстан футбол құрамасындағы лауазымымен қатар атқарады.

Кейінірек "Ахматта" ресейлік маманға клуб деңгейінде Руслан Балтиев (аға жаттықтырушы), Евгений Коструб (жаттықтырушы) және Ерлан Ыбырайым (дене шынықтыру жаттықтырушысы) көмектесетінін мәлімдеді. Олар Адиевпен бірге ұлттық құрамада жұмыс істейді.

Жаңа бас бапкердің басшылығымен "Ахмат" дебюттік матчын жексенбіде өз алаңында мәскеулік "Локомотивке" қарсы өткізеді. Қазіргі уақытта грозныйлықтар РПЛ кестесінде 12-орында.

Мәтіннен қате тапсаңыз, бізге жазыңыз