Нұралы Әліп әйгілі футболшы Неймармен бір командада ойнауы мүмкін

Португалиялық агент Пауло Барбоза әйгілі футболшы Неймар "Зенит" командасына қосылуы мүмкін екенін айтты. Бұл туралы KAZ.NUR.KZ "Матч ТВ" cайтына сілтеме жасап хабарлайды.

Айта кетейік, Санкт-Петербургтың "Зенит" клубында Қазақстан құрамасының футболшысы Нұралы Әліп ойнайды.

"""Зенит" Неймарды шақыруы мүмкін. Бірақ оның аса ауыр жарақаты болғанын және ота жасатқанын түсіну керек. Ол бұрынғы деңгейіне қайта оралуды ойлайтын жаста. Егер жарақатынан айықса, "Зенитке" қосылуды қарастырып көре алады", – деді Барбоза.

Қазір Неймар – сауд арабиялық "әл-Хиляль" футбол клубының ойыншысы. Ол өткен жылдың қазанында ауыр жарақат алып, Бразилияда емделген еді. Жақында 32 жастағы футболшы "әл-Хиляльге" қайта оралды.

Tranfermarkt порталының мәліметінше, Неймардың трансферлік нарықтағы құны - 45 миллион еуро.

Мәтіннен қате тапсаңыз, бізге жазыңыз